Siyasət

HƏMAS liderləri Qətərdən İordaniyaya köçmək istəyir, Krallıq bunun əleyhinədir

moderator.az

23:52 01.05.2024

Smartbee
Şikayət et

"Hər bir fələstinli HƏMAS-la əlaqələrini pozduğunu sübut etməlidir..."

"Fələstin xalqı İordaniyada HƏMAS-ı dəstəkləyir, təşkilatın Krallığa buraxılmamasına dözməyəcək..."

HƏMAS rəhbərləri məlumat verib ki, əgər Qətəri tərk etmək məcburiyyətində qalsalar, İordaniyaya köçəcək.

Moderator.az xəbər verir ki, bu barədə "vesty.co.il" nəşri yazıb.

Əmman izah edib ki, HƏMAS Krallığa köçmək istəyirsə, hər bir fələstinli bu təşkilatla əlaqələrini kəsdiyini sübut etməlidir.

"Əgər Qətər bizi deportasiya etməyə qərar verərsə, biz İordaniyaya köçəcəyik. Bizə Suriya, İraq və ya Türkiyəyə getməyi məsləhət görürlər, amma biz İordaniyaya gedəcəyik".

Bu barədə təşkilatın beynəlxalq əlaqələr şöbəsinin rəhbəri Musa Əbu-Marzuk İranın "Əl-Əlam" telekanalına müsahibəsində bəyan edib.

Onun sözlərinə görə, HƏMAS-ın bir çox rəhbərlərinin xarici pasportu və ya İordaniyanın müvəqqəti sakini vəsiqəsi var.

Sabiq iordaniyalı diplomat (o, həm də Kralıığın Rusiyada səfiri olub) Ziyad Əl-Məcalı qəzəblənib:

"HƏMAS özünü elə aparır ki, sanki İordaniya dövlət deyil və orada hakimiyyət yoxdur. HƏMAS bizə necə hərəkət etməyi diktə edir. Krallıq Fələstin özəkləri ilə səhifəni çevirib və buna dönməyəcək".

İordaniya kəşfiyyatı güman edir ki, Marzuk bu bəyanatla İran İnqilabı Keşikçiləri Korpusunun göstərişi ilə çıxış edib.

Öz növbəsində HƏMAS Siyasi Bürosunun rəhbəri İsmayıl Haniyə bəyan edib ki, Fələstin xalqı İordaniyada HƏMAS-ı dəstəkləyir və təşkilatın Krallığa buraxılmamasına dözməyəcək.

Haniyə həmçinin Kral II Abdulla, nazirlər və parlament deputatlarını İsrailin Qəzzada zərbəsi nəticəsində üç oğlu və nəvəsinin ölümü ilə bağlı başsağlığı göndərmədiyinə görə pisləyib.

HƏMAS rəhbərliyinin öz yaşayış yerini dəyişmək niyyətində olduğu barədə məlumatlar ilk dəfə deyil ki, üzə çıxır.

2024-cü il aprelin 20-də Amerikanın "The Wall Street Journal" nəşri məlumat verib ki, HƏMAS rəhbərliyi Amerikanın Qətər rəhbərliyinə israilli girovları azad etmək və Qəzza bölgəsində atəşkəs barədə saziş əldə etmək tələbilə təzyiqləri səbəbindən Dohanı tərk etmək niyyətindədir.

Xatırladaq ki, HƏMAS-ın İsmayıl Haniyə başda olmaqla siyasi liderləri 1999-cu ildə İordaniyadan deportasiya edilib.

Onlar 2012-ci ildən ABŞ-ın tam dəstəyi ilə Qətərdə yaşayır, çünki Amerika rəhbərliyi onlar ilə Suriya, İran və ya Livanda deyil, məhz Dohada ünsiyyətdə olmağa üstünlük verir.

ABŞ və Avropa ölkələrində HƏMAS terrorçu təşkilat hesab edilir, ona görə də onun Qərb diplomatları ilə birbaşa təmasları çətindir, məhz Qətərin vasitəçiliyi bu maneəni keçməyə imkan verir.

Seçilən