Ölkəmiz qlobal problemlərin həllində öz rolunu, günü gündən daha da artırmaqdadır-Sultan Zahidov- ÖZƏL

Bu fikirləri politoloq Sultan Zahidov Olaylar.az-a açıqlamasında bildirib:

"Həmin prosesə biz Bakı prosesi deyirik. Həmin vaxtdan etibarən Bakı prosesi çərçivəsində Bakıda 2011-ci ildə ilk Ümumdünya Mədəniyyətlərarası Dialoq Foruma həyata keçirilmişdir. Daha sonra 2013 də 2015, 2017, 2019- cu illərdə həyata keçirildi. Ondan sonra pandemiya səbəbindən müəyyən vaxt həmin Forumun keçirilməsi təxirə salınsa da, artıq bu gün mayın birində altıncı Ümumdünya Mədəniyyətlərarası Dialoq Forumu Bakıda öz işinə başlayıb və bu kimi forumun həyata keçirilməsi Azərbaycanın Ümumdünya Mədəniyyətlərarası Dialoqa verdiyi töhfənin göstəricisidir. Azərbaycan həmişə, tarix boyu, bu günə kimi də fərqli mədəniyyətlərin yerləşdiyi bir ölkə olub və bu mədəniyyətlərin hər birinin öz deməli, kimliyinin, saxlanmasına, öz dəyərlərinin saxlanmasına Azərbaycan həmişə özünün multikultural siyasətinin nəticəsi olaraq  bir töhfə verib. Eyni zamanda, Azərbaycan nəinki ölkə daxilində mədəniyyət tarixi dialoqa töhfə vermiş bir ölkə kimi yadda qalıb, eyni zamanda, dünyada da fərqli mədəniyyətlərin toplanmasına, onlar arasında dialoqun həyata keçirilməsinə bu kimi forumlarla töhfə vermişdir. Qeyd etmək lazımdır ki, bu gün dünya böyük müharibələrin və hərblərin astanasındadır. Həm deməli, Rusiya, Ukrayna müharibəsi, həm Yaxın Orta Şərqdə, həm də Uzaq Şərqdə baş verənlər bir daha onu göstərir ki, dünyada mədəniyyətlərarası dialoqa, mədəniyyətlərin bir birinə inteqrasiya olunmasına böyük ehtiyac vardır və Azərbaycanın da bu mənada bu prosesə töhfə verməsi onu göstərir ki, ölkəmiz qlobal problemlərin həllində öz rolunu, günü gündən daha da artırmaqdadır. Bakının Ümumdünya Mədəniyyətlərarası Dialoq Forumuna ev sahibliyi etməsi bütün dünyanın diqqətini növbəti dəfə Azərbaycana yönləndirmiş, Azərbaycanın sülhün, dialoqun və təhlükəsizliyin təşviqatçısı və təminatçısı kimi dünyada təqdim olunmasına, dünyada qəbul olunmasına şərait yaratmışdır. Bu baxımdan mən düşünürəm ki, mayın birindən üçünə kimi baş tutacaq bu Forum Azərbaycanın diplomatiyasının, Azərbaycanın xarici siyasət məqsədlərinin həyata keçirilməsində vacib rollardan birinə malik olacaqdır. Azərbaycan bir daha bu forum vasitəsilə dünyaya sülh mesajı ötürəcəkdir, dünyaya sülhün və əməliyyat dialoqun təşviqatçısı rolunu üstləndiyini bir daha nümayiş etdirəcəkdir və belə olan təqdirdə Azərbaycanın mən düşünürəm ki, yumşaq güc mexanizmləri də artmış olacaqdır".