"Atletiko" Oblakı transferə çıxardı

"Atletiko" növbəti transfer pəncərəsində qapıçısı Yan Oblakı satmağı planlaşdırır . 

QOL.az xəbər verir ki, bu barədə AS nəşri məlumat yayıb. Bildirilib ki,  Madrid klubu maaş yükünü yüngülləşdirmək üçün sloveniyalı qolkiperi transferə çıxarıb və onun üçün təklifləri nəzərdən keçirməyə hazırdır. Qeyd olunur ki, “Atletiko” rəhbərliyi Oblakı “Valensiya”nın qapıçısı Giorgi Mamardaşvili ilə əvəzləməyi planlaşdırır.

Xatırladaq ki, Y.Oblak 2014-cü ilin iyulundan "Atletiko"da çıxış edir. Bu mövsüm 31 yaşlı qolkiper komandanın heyətində 49 oyuna çıxıb.