Avropanın daha bir məşhur şəhərində turistlər üçün YENİ CƏRİMƏLƏR: Qaydaları pozanlar...

İtaliyanın Venesiya şəhəri turistlər arasında çox populyardır, çünki o, dünyanın ən unikal və gözəl şəhərlərindən biridir. Burada heyrətamiz memarlıq, incəsənət və qastronomiyadan həzz ala bilərsiniz.

Lent.az xarici KİV-ə istinadən xəbər verir ki, lakin səlahiyyətlilər ziyarətçilər üçün yeni qaydalar tətbiq etmək qərarına gəliblər.

İndi şəhərin tarixi mərkəzinə gələn turistlər 5 avro rüsum ödəməli olacaqlar. Onlar həddindən artıq turizmin qarşısını almaq üçün Venesiyada belə bir tədbir tətbiq etmək qərarına gəliblər. Bu qaydanı pozanlar biletin qiymətinin 10 misli olan 5 avrodan başlayaraq cərimələnəcək, yəni 50 avro, hətta daha çox pul ödəməli olacaqsınız.

Amma şəhərin tarixi hissəsi üçün ödəniş yalnız bu ilin iyul ayının ortalarına qədər qüvvədə olacaq. Ödəniş təbii olaraq Marghera və Mestre materik əraziləri də daxil olmaqla Venesiyada yaşayanlara şamil edilməyəcək.

Şəhər rəsmiləri deyirlər ki, yeni şərtlər pik günlərdə izdihamı azaltmağa və yerli sakinlərin həyat keyfiyyətini yaxşılaşdırmağa kömək etməlidir. Baxmayaraq ki, bütün vətəndaşlar belə məhdudiyyətlərin və ya cərimələrin onlara müsbət təsir edəcəyinə əmin deyillər.