“Azərişığ”ın elektrik satışının maya dəyəri artdı

“Azərişıq” ASC ötən il 14 mln 728 min manat xalis mənfəət əldə edib.

“Ölkə.Az” xəbər verir ki, dövlət şirkətinin ötən ilin yekununda gəlirləri 1 mlrd 619 mln 371 min manat olub. Bu da 2022-ci il ilə müqayisədə 5,1% çoxdur. Qurumun satışının maya dəyəri 4,6% artaraq 1 mlrd 379 mln 874 min manat təşkil edib.

Sözügedən dövrdə ümumi mənfəəti 239 mln 497 min manat olan ASC-nin paylama xərcləri 58 mln 586 min manat, inzibati xərcləri 107 mln 159 min manat, ticari debitor borcları üzrə dəyərsizləşmə bərpası üzrə zərəri 13 mln 508 min manat, sair xərcləri 3 mln 150 min manat, sair gəlirləri 67 min manat təşkil edib. Əməliyyat gəlirləri 57 mln 161 min manat olsa da, şirkətin xalis maliyyə xərcləri 25 mln 589 min manat, ödədiyi mənfəət vergisi 16 mln 844 min manat təşkil edib və nəticədə, ötən ili 14 mln 728 min manat xalis mənfəətlə başa vurub. Bu da illik müqayisədə 3,8 dəfə azdır.

“Azərişıq” ASC-nin cəmi aktivləri illik müqayisədə 11% artaraq ötən ilin yekununda 3 mlrd 237 mln 913 min manat, cəmi öhdəlikləri 10,3% artaraq 768 mln 33 min manat, cəmi kapitalı isə 11,3% artaraq 2 mlrd 469 mln 880 min manat təşkil edib.

Könül
Ölkə.Az