“Daimi aclıq hissi zülal çatışmazlığı səbəbindən ola bilər”

“Bədəndə zülal çatışmazlığı səbəbindən daimi aclıq hissi yaşana bilər”.
Yeniavaz.com xəbər verir ki, bunu nutrisioloq Olqa Simonenko “Veçernyaya Moskva” ilə söhbətində deyib.
Simonenko bildirib ki, zülalda amin turşuları var ki, onlardan orqanizm bütün həyat proseslərində iştirak edən mikroelementləri sintez edir:
“Zülal çatışmazlığı öz növbəsində sağlamlıq üçün ciddi fəsadlar yaradır. Ancaq erkən mərhələlərdə zülal çatışmazlığını qaçırmaq asandır. Yetərsiz zülal qəbulu ilə əzələ itkisi başlayır, yorğunluq və apatiya görünür. Bundan əlavə, insan daim aclıq hiss edə bilər. Zülal qəbulu az olduqda, bədən iştahı artıraraq zülal statusunu bərpa etməyə çalışır ki, bu da həddindən artıq yemək və çəki artımına gətirə bilər.
Sonda nutrisioloq əlavə edib ki, zülal çatışmazlığı səbəbindən sümük sıxlığı azalır, bu da qırılma riskini artırır, saçlar kövrək və matlaşır, tökülməyə başlayır, dəri nazikləşir və elastikliyini itirir.