"Həkimlərimizi tanıyaq!" rubrikası təqdim edir: Rəfail Əsədullayev

 

R.Əsədullayev 1983-cü ildə Cəlilabad rayonu Çünzəli kəndində anadan olub. 1999-cu ildə Azərbaycan Tibb Universitetinə daxil olub, Pediatriya fakültəsində təhsil alıb.

 

O, 2015-2017-ci illərdə FHN-nin Mülki müdafiə qoşunlarında tibb məntəqəsinin həkimi, 2017-2018-ci illərdə Mərkəzi Neftçilər Xəstəxanasının Sənayə təbabəti şöbəsində Təcili və Təxirəsalınmaz Tibbi Yardım Stansiyasının həkimi, 2017-ci ildə Cəlilabad Rayon Mərkəzi Xəstəxanasında Təcili və Təxirəsalınmaz Tibbi Yardım şöbəsinin Təcili və Təxirəsalınmaz Tibbi Yardım üzrə həkim vəzifələrində çalışıb. 2017-ci ildən hal-hazıradək Respublika Təcili və Təxirəsalınmaz Tibbi Yardım Mərkəzində Təcili və Təxirəsalınmaz Tibbi Yardım həkimi vəzifəsində fəaliyyət göstərir.

 

R.Əsədullayev 2018-ci ildə Ankara şəhəri Başkənt Xəstəxanasının Təcili Təxirəsalınmaz Tibbi Yardım şöbəsində assistant həkim işləyib. 2019-cu ildə Moskva şəhərində "Uşaqlarda reanimasion tədbirlər" adlı 1 aylıq təkminləşdirmə kursu keçib. Həmçinin 2021-ci ildə Ukraynanın Dnepr şəhərində İ.Meçinkov adına xəstəxanada "Təcili Yardımın Təşkili" adlı 1 aylıq təkminləşdirmə kursu keçib.

 

2023-cü ildən Cəlilabad Rayon Mərkəzi Xəstəxanasında Təcili və Təxirəsalınmaz Tibbi Yardım şöbəsinin müdiri vəzifəsində çalışır.