CHP-nin namizədi intihar etdi

Türkiyənin Cümhuriyyət Xalq Partiyasının bələdiyyə seçkilərindəki namizədi 55 yaşlı Abdülkadir Bədir meyiti tapılıb.

News24.az xəbər verir ki, bu barədə “Milliyet” məlumat yayıb.

Məlumata görə, qohumları onun yaşadığı ünvana gələrək, qapını açıb əllərində tapança olan Bədiri yerdə qan içində görüblər. Hadisə yerinə təcili tibbi yardım briqadası və polis qrupları sövq edilib. 

Bildirilir ki, Bədirin başından aldığı tək güllə ilə öldüyü müəyyən edilib. Bədirin nəəşi ekspertiza üçün Ədliyyə Tibb Təşkilatına göndərilib. Burada aparılan əməliyyatlardan sonra onun cənazəsi ailəsinə təhvil verilərək Bağlar rayonundakı Yeniköy Əsri qəbiristanlığında dəfn edilib. Faktla bağlı araşadırma aparılır.

Mehriban Mirzəzadə