Dinozavrların intellekti həddindən artıq qiymətləndirilib

Dinozavrlar sürünənlər qədər ağıllı olsalar da, lakin meymunlar qədər ağıllı deyildilər. Paleontoloqlar, davranış alimləri və nevroloqlardan ibarət beynəlxalq qrup dinozavrların ölçüsünü və beyin quruluşunu yenidən araşdırıblar. Onlar dinozavrların daha çox timsah və kərtənkələ kimi davrandığı qənaətinə gəlib.

Herbiand.az bildirir ki, bu barədə “The Anatomical Record” jurnalında dərc olunan araşdırmada deyilir.

Əvvəlki tədqiqatlar Tirannozav kimi dinozavrların olduqca çox sayda neyrona sahib olduğunu və düşündüyündən əhəmiyyətli dərəcədə daha ağıllı olduğunu iddia edirdi.

Ancaq, yeni tədqiqat dinozavrların beyinlərindəki neyronların sayını və beyin ölçüsünü proqnozlaşdırmaq üçün istifadə edilən üsullara daha yaxından nəzər salır. Komanda onların beyinlərinin, xüsusən də ön beynin ölçüsünün çox qiymətləndirildiyini və buna görə də neyronların sayının da çox qiymətləndirildiyini müəyyən edib. Onlar həmçinin göstərirlər ki, neyronların sayı ilə bağlı təxminlər intellektin etibarlı göstəricisi deyil.

Alimlər izah ediblər ki, dinozavrların və digər nəsli kəsilmiş heyvanların intellektini təyin etmək, ən yaxşı şəkildə neyronların sayının təxminlərinə əsaslanmaqdansa, ümumi anatomiyadan tutmuş fosillərə qədər müxtəlif sübutlardan istifadə etməklə aparılır.

Bəxtiyar CƏFƏRLİ