Dubayda AIM Konqres İnvestorlar Sammiti keçiriləcək

Bu ilin 7-9 may tarixində Dubayda AIM Konqres İnvestorlar Sammiti keçiriləcək. 

Bakıvaxtı.az "Euronews"a istinadən bildirir ki, 450 sessiya və 7 yüksək səviyyəli stolüstü iclasdan ibarət olacaq sammitin Birləşmiş Ərəb Əmirliklərində keçirilməsi nəzərdə tutulub.

Sammitdə 25-dən çox ölkənin naziri, 45 şəhərin meri, 12 mərkəzi bank rəhbəri, 900-dən çox məruzəçi, 9 qlobal birja, 50-dən çox unicorn şirkəti və 175 ölkəni təmsil edən 12 000-dən çox nümayəndə iştirak edəcək. 

Bundan başqa, 2023-cü ilə qədər idarə olunan 1,2 trilyon dollar aktivi olan və Koreyanın aparıcı fond idarəçilərindən biri kimi tanınan "LB Investment"in də iştirakı gözlənilir.

Gülşən Şərif