Yaponiyada ayı hücumu həyəcanı

Ötən il Yaponiyada ayı hücumları nəticəsində 6 nəfər ölüb, 200-dən çox insan yaralanıb.

Bakıvaxtı.az bu barədə yerli KİV-ə istinadən xəbər verir.

Məlumata görə, rekord sayda hücumdan sonra ölkə süni intellektli ayı xəbərdarlıq sistemini sınaqdan keçirəcək.

Mərkəzi Yaponiyanın Toyama prefekturasındakı pilot sistem insanlara yaxın ərazilərdə hərəkət edən ayıları aşkar etmək və müvafiq yerli hakimiyyət orqanlarına, polisə və ovçulara dərhal xəbərdarlıqlar göndərmək üçün hökumət, bələdiyyə və özəl təhlükəsizlik kameralarından canlı yayımlara nəzarət edəcək.

Süni intellekt həmçinin ayıların hərəkətlərini izləmək və gələcəkdə harada olacaqlarını təxmin etməyə çalışmaq üçün istifadə olunacaq.

Nəticə uğurlu alınarsa, bu üsul ölkənin digər bölgələrinə də tətbiq olunacaq.

Günəş Mərd