Benyamin Netanyahu ABŞ prezidenti Co Baydendən nə xahiş edib?

İsrailin baş naziri Benyamin Netanyahu ABŞ prezidenti Co Baydendən Haaqa Beynəlxalq Cinayət Məhkəməsinin İsrail rəsmilərinin həbsinə order verməsinin qarşısını almasını xahiş edib.

Editor.az bildirir ki, bu barədə “Axios” məlumat verib. Hər iki partiyadan olan Konqres üzvləri Beynəlxalq Cinayət Məhkəməsinə xəbərdarlıq ediblər ki, yüksək vəzifəli İsrail məmurlarına qarşı həbs orderləri verilərsə, ABŞ cavab tədbirləri görəcək və bununla bağlı qanun layihəsi artıq hazırlanır. Beynəlxalq Cinayət Məhkəməsi 2014-cü ildən bəri İsrail hərbçilərinə və Fələstin silahlılarına qarşı müharibə cinayətləri ilə bağlı iddiaları araşdırır.

Ağ Ev Netanyahunun Baydenlə söhbətini şərh etməkdən imtina edib, lakin “ICC-nin bu vəziyyətdə heç bir yurisdiksiyası olmadığını və biz onun təhqiqatını dəstəkləmədiyini” söyləyib. İsraili tənqid edən bir neçə demokrat qanunverici, potensial orderləri ictimaiyyətə açıqlanmadan qiymətləndirməyin tez olduğuna inandıqlarını söyləyib.

//Samir Qurbanov, Editor.az