“Azər-Türk Bank” maliyyə göstəricilərini açıqlayıb

“Azər-Türk Bank” ASC bu ilin I rübünü 7 milyon 907 min manat xalis mənfəətlə başa vurub.

Valyuta.az bankın maliyyə hesabatına istinadən xəbər verir ki, bu, ötən ilin eyni dövrü ilə müqayisədə 2,6 dəfə çoxdur.

“Azər-Türk Bank”ın gəlirləri bu ilin yanvar-mart aylarında 31,59 milyon manat təşkil edib. Bu, 2023-cü ilin müvafiq dövrü ilə müqayisədə 51,4% çoxdur. Bankın xərclərinin həcmi 22,219 milyon manat təşkil edib ki, bu, 2023-cü ilin müvafiq dövrü ilə müqayisədə 38,7% çoxdur, mənfəət vergisi ödəmələri isə 705 min manat (11,9 % az) təşkil edib.

Hesabat dövründə “Azər-Türk Bank”ın aktivləri 1 milyard 458,532 milyon manat olub ki, bu da 2023-cü ilin yanvar-mart ayları ilə müqayisədə 59,7% çoxdur. Bankın kredit portfelinin dəyəri 663,427 milyon manat təşkil edib. Bu, 2023-cü ilin müvafiq dövrü ilə müqayisədə 83,8% çoxdur. 

“Azər-Türk Bank”ın öhdəlikləri 62,5% artaraq 1 milyard 366 milyon 23 min manata, depozit portfeli 2,3 dəfə artaraq 912 milyon 177 min manata çatıb.

Nara