Gələcəyin şəhər nəqliyyatı necə olacaq?

Çinin “GAC” konserni Milanda keçirilən dizayn sərgisində “Car Culture 3.0” ümumi adı altında bir sıra konseptlər təqdim edib. Bu, Avropa dizayn studiyasının “GAC”ın xətti üzrə üçüncü işidir. Son layihənin mövzusu şəhər mobilliyinin gələcəyidir. Sərgidə “City Box”, sərnişin yarımkompaktı “City Pod” və miniatür idman kupesi “City Run” nümayiş etdirilib.

“City Box”

Dizaynerlər “City Box”un furqonunu üç təkərli ediblər, ön təkər arxadan daha iridir. Baqaj qapısı əvəzinə parça "kürək çantası" istifadə olunub və sürücü oturacağı ilə baqaj arasındakı arakəsmə şəbəkə vardır. Dəliklərə xüsusi qarmaq çubuqları daxil etməklə, sürücünün istəyi ilə onun funksionallığını dəyişmək mümkündür. Oturacaqların ön hissəsi geri çəkilə bilən U formalı panellə təchiz edilmişdir. Panel dayanacaqlar da bir növ masaya çevrilir.

“City Pod”

“City Pod” yalnız iki oturacaq və demək olar ki, tamamilə şəffaf korpusa malikdir. Kreslolar stasionar əyri paneldən hazırlanıb ki, bu da daşıyıcı strukturun bir hissəsidir. Onun altında çıxarıla bilən silindrik bir çamadan qurulub, digəri isə ön panelə qayışlarla bağlanıb.

“City Run”

“City Run” idman kupesinin ümumiyyətlə, qapıları yoxdur - onun futuristik interyerinə sürüşmə kapotdan daxil olmaq olar. Salonda proyeksiya sistemi və əlavə reallıq funksiyaları olan nəhəng displey var.

Avtomobillərin texniki spesifikasiyaları açıqlanmayıb. Ancaq konstruktorlar hesab edirlər ki, gələcəkdə bu cür nəqliyyat vasitələri texniki cəhətdən mümkün qədər vahid formada olacaq: hər üç prototip arxa oxda güc bloku ilə təchiz olunub, burada elektrik mühərriki və idarəetmə elektronikası bir korpusa quraşdırılıb. Konsepsiyanın yaradıcılarının fikrincə, belə bloklar tez çıxarıla bilən hala gətiriləcək ki, bu da həm texniki xidməti, həm də onların dəyişdirilməsini xeyli asanlaşdıracaq.

Nubar Süleymanova, “İki sahil”