Ekspertlər məzuniyyətdə qənaətetmə üsullarından bəhs ediblər

Bakı, 29 aprel, AZƏRTAC

“İzvestiya” qəzeti tərəfindən aparılan sorğuda iştirak edən ekspertlər hesab edirlər ki, məzuniyyət vaxtı büdcə səyahətini əvvəlcədən planlaşdırmaq lazımdır. Onlar məzuniyyət zamanı çox israfçılıq etməmək üçün nə etmək lazım olduğu barədə danışıblar.

“Büdcə məzuniyyətinin planlaşdırılması ilə bağlı ən populyar məsləhətlərdən biri onu əvvəlcədən planlaşdırmaqdır. Bu yolla aksiyalardan faydalanaraq, yol puluna və erkən bronlama şərtlərinə uyğun olaraq qonaqlamada daha çox qənaət etmək olar. Məzuniyyət dövrünü də qiymət və keyfiyyət parametri nöqteyi-nəzərindən seçmək məsləhətdir”, — deyə TVİL. RU Rusiya istirahət üçün mənzil bronlama xidmətinin təsisçisi və baş direktoru Aleksey Çerepaxin bildirib.

AZƏRTAC xarici mediaya istinadla xəbər verir ki, “Lime” rəqəmsal maliyyə xidmətinin PR direktoru Diana Pritıko, həmçinin qarşıdakı məzuniyyət xərclərini təhlil etməyi tövsiyə edib. O, büdcə və xərclərin ayrıca ətraflı siyahısını tərtib etməyi, onların nisbətinin müqayisəsini aparmağı məsləhət görüb. Bunun üçün həm Excel cədvəllərindən, həm də xüsusi mobil tətbiqlərdən istifadə etmək olar.

İkinci addımla özünüz üçün ən prioritet və ixtisar oluna biləcək xərcləri müəyyən edin. Eyni zamanda, məişət ehtiyaclarına vəsaitləri elə bölüşdürmək lazımdır ki, özünüzü adi rahatlıqdan məhrum etməyəsiniz. Bu, çox vacibdir”, - deyə Pritıko izah edib.

Öz növbəsində, Çerepaxin əlavə edib ki, turist mövsümdə istirahət etmək qərarına gəlibsə, o, ən məşhur kurortları nəzərdən keçirməyə bilər. Bundan əlavə, istirahət edəcəyi yerə qədər avtomobil ilə səyahət həm iki tərəfə olan biletlərdə, həm də ekskursiyalarda əhəmiyyətli dərəcədə qənaət etmək imkanı verir. Avtomobil yoxdursa, ictimai nəqliyyat marşrutlarına diqqət yetirməyə dəyər, axı onlar da əksər görməli yerlərə qədər çatdıra bilər.

“Kirayə ev götürəndə çalışın ki, orada həm də yemək hazırlamaq üçün şərait olsun, bu, sizə həm kafedə qənaət etməyə kömək edəcək, həm də çox güman ki, mədənizi keyfiyyətsiz ictimai iaşədən qoruyacaq”, - deyə ekspert məsləhət verib.

Eyni zamanda, “Moy Avtoprokat” şirkətinin baş direktoru Dmitri Matveyev qeyd edib: istirahətdə qənaət etmək üçün müxtəlif loyallıq proqramları və bonus kartlarına sahib olmağınız, aviaşirkətlərin prioritet iştirakçıları olmaq, onlarla əməkdaşlıq edən bankların kartlarına sahib olmaq; aviaşirkətlərin satışını izləmək məsləhətdir.

"Biletləri aviaşirkətlərdən almaq lazımdır. Buna görə loyallıq proqramlarının iştirakçısı olmaq məsləhətdir. Satışlar haqqında bülletenlərdən və s. daha sürətli məlumat əldə edəcəksiniz. Yay mövsümündə populyar istiqamətlərə tətil planlaşdırırsınızsa, biletləri ən azı iki-üç ay əvvəlcədən almaq lazımdır", - deyə ekspert vurğulayıb.

Onun sözlərinə görə, qaynar turlar yalnız vizasız istiqamətlərə aiddir.

Matveyev hesab edir ki, istirahətin özündə pula qənaət etmək üçün yarım pansionlu bir otel tutmağa və ekskursiyaları müstəqil səfərlərlə əvəz etməyə dəyər.