Digər

Çin lideri Avropaya səfərə hazırlaşır

reyting.az

17:16 29.04.2024

Smartbee
Şikayət et

Çin lideri Si Cinpin Qərblə ticarət, casusluq iddiaları və Pekinin Rusiyaya dəstəyi də daxil olmaqla, bir sıra məsələlərə görə artan gərginlik fonunda təxminən beş ildə ilk dəfə Avropaya səfər etməyə hazırlaşır.

Reyting.az-ın məlumatına görə, Çin Xarici İşlər Nazirliyinin bəyanatında bildirilir ki, Si Cinpinin səfəri mayın 5-dən 10-dək davam edəcək. O, səfər zamanı Fransa, Serbiya və Macarıstana da baş çəkəcək.

“Bloomberg”-in məlumatına görə, Brüssel ticarət siyasəti ilə bağlı mövqeyini sərtləşdirdikdən sonra Pekin Avropa ilə münasibətləri bərpa etməyə çalışır. Avropa liderləri Çinin artan istehsal gücünə, böyük ticarət profisitinə və Rusiyanın Ukraynaya müdaxiləsinə verdiyi dəstəyə qarşı çıxış ediblər. Son günlər casusluq iddialarının çoxalması da qitənin Pekinin casusluq fəaliyyətinə qarşı daha aqressiv mövqeyini əks etdirir.

Çin Xarici İşlər Nazirliyinin sözçüsü Lin Jian bu turun Çin və Fransa, Serbiya, Macarıstan və bütövlükdə Avropa İttifaqı arasında əlaqələrin inkişafı üçün həyati əhəmiyyət kəsb etdiyini deyib və əlavə edib ki, Si Cinpin səfər zamanı üç ölkənin liderləri ilə görüşəcək.

Xatırladaq ki, bu yaxınlarda ABŞ dövlət katibi Antoni Blinken yüksək səviyyəli Çin rəsmiləri ilə danışıqlar aparmağı planlaşdırdığı Pekinə səfər edib. Blinken Çin lideri ilə görüşdən sonra Pekini Rusiyanın Ukraynaya qarşı təcavüzkar müharibəsini dəstəklədiyinə görə cəza olaraq sanksiyalarla hədələyib. Avropalılar həmçinin Pekinə xəbərdarlıq edirlər ki, o, Rusiyanın qitə üçün təhlükəsini dəstəklədiyi müddətcə onlarla yaxşı münasibətlərə ümid edə bilməz.

“Politico” isə yazır ki, Avropa Birliyi inandırmanın nəticə vermədiyi təqdirdə Çinlə ticarət müharibəsinə başlayacaq.

E. KAMAL

Seçilən

Mənbələr

Şərh ()

Çin lideri Avropaya səfərə hazırlaşır

Reytinq

Hesaba daxil ol

Qeydiyyatdan keç

Şifrəni bərpa et