Azərbaycanda ildə 100 min avtomobil buraxılacaq - MƏŞHUR ŞİRKƏT AÇIQLADI

Hazırda Azərbaycanın avtomobil istehsal həcmi aşağı olsa da, bu sahədə sürətli artım olacağı gözlənilir.

FED.az xəbər verir ki, bu, "Fitch Solutions" (FS) şirkətinin araşdırma qrupunun hesabatında bildirilib.

FS qeyd edib ki, 2023-cü ildə Azərbaycanın ümumi avtomobil istehsalı 5 min ədəddən aşağı olsa da, daha çox istehsal zavodu fəaliyyətə başlayacağı üçün 2024-cü ildən 2028-ci ilə qədər artımın əhəmiyyətli dərəcədə sürətlənəcəyini gözlənilir.

"2024-cü ilin yanvarında İqtisadi Zonaların İnkişafı Agentliyi ilə “Uzavtosanoat” və “Azərmaş” şirkətləri 2026-cı ilə qədər Azərbaycanda illik gücü 30 min ədəd olan zavodun yaradılması haqqında saziş imzalayıblar. İranın Khodro Şirkəti (IKCO), 2024-2033-cü illər ərzində istehsalın 43,4% artımını dəstəkləyəcək, 2033-cü ilə qədər illik istehsal həcmini 100 min ədəddən bir qədər az təşkil edəcək" - FS-nin şərhində əlavə edilib. (Apa)