Babək rayonuna yeni başçı təyin olunub
Rasim Hüseynov Naxçıvan Muxtar Respublikası Babək Rayon İcra Hakimiyyətinin başçısı vəzifəsindən azad edilib.
Bu barədə ölkə başçısı İlham Əliyev aprelin 29-da sərəncam imzalayıb.
Prezidentin digər sərəncamı ilə Ovni Muradov Naxçıvan Muxtar Respublikası Babək Rayon İcra Hakimiyyətinin başçısı təyin olunub.
Rasim Hüseynov 2016-cı ildən Babək rayonunun icra başçısı vəzifəsində çalışırdı.
Yeni təyin olunan Ovni Muradov Naxçıvanın Elm və Təhsil nazirinin müavini, ona qədər isə Babək Rayon Təhsil Şöbəsinin müdiri olub.