Nənə və babanın çıxışı viral oldu - VİDEO

Paytaxt sakinləri arasında keçirilən küçə sorğusunda yaşlı nənə və babanın cavbı viral olub.

Ölkə.Az xəbər verir ki, onların hər ikisi gənclərin davranışlarından gileyləniblər.

Yaşlı qadın gənc qızların həddindən artıq qısa geyindiklərini deyərək kəskin iradını bildirib:

"Qızlar sinələrini, qollarını açıb ortaqlıqdaqoyurlar, həddindən artıq qısa geyinirlər. Bunun hansı məqsədlə edildiyini düşünə bilərik? Nə bilim, cırıq-cırıq geyinirlər. Heç olmasa, bayırda qoyanda utanmırsan? Məsələn, sənin qardaşın var. Lap deyək ki, tək qızsan, heç kimin yoxddur, millətdən də utanmırsan?!"

Yaşlı kişi isə metroda gənclərin qocaya, yanında azyaşlı uşaq olan şəxslərə yer verməməsindən gileylənib:

"Metroya qucağında uşaqla düşürsən, görürsən oturublar. Qoy, valideynlər də müəllimlər də eşitsin. Bir gözü yuxarıda bir gözü telefonda baxırlar görək kimdir durum ya yox. Neçə dəfə uşaq qucağımda olanda ağızımı açıb demişəm də. Denən vaqonda bir nəfər dillənib deyib ki, ağsaqqal düz deyir?! Bir nəfər də dillənmir. Bu millətin axırı hara gedəcək? Valideyn y da müəllim ona elə tərbiyə verir ki, otur, qoy, uşaqla gələn ayaqüstə dursun?Babası yerində ağsaqqallar, ağbirçəklər ayaq üstə qalıb. Nə vaxta qədər belə olacaq? Belə müsəlmanlıq olmur, uçuruma gedirik". 

Nənənin fikrini çoxluq dəstəkləsə də, yaşlı kişinin çıxışını bəyənənlərlə yanaşı, onunla razılaşmayanlar da olub. 

Belə ki, sosial şəbəkə istifadəçiləri Azərbaycanda yer vermək mədəniyyətinin bir çox ölkələrdən fərqli olaraq daha yüksək səviyyədə olduğunu yazıblar.

Ölkə.Az