Onkoloji xəstələrə ŞAD XƏBƏR: Unikal xərçəng peyvəndi HAZIRLANDI

Alimlər unikal xərçəng peyvəndi hazırlayıblar.

İnterpress.az xəbər verir ki, London Universitet Kollecinin alimləri xərçəngi tamamilə müalicə etmək potensialına malik olduğuna inandıqları melanoma peyvəndi hazırlayıblar.

Onun özəlliyi ondan ibarətdir ki, o, fərdiləşdirilmiş mRNT peyvəndidir və müəyyən bir xəstədə xərçənglə mübarizə aparmaq üçün immunitet sistemini işə salmalıdır.

Peyvənd sınaqlarının ikinci mərhələsi artıq başa çatıb və tədqiqatçılar üçüncü və son mərhələyə keçirlər.

Bu yaxınlarda tamamlanmış 2-ci faza sınaqları göstərib ki, dərmanla müalicə olunan xəstələrdə melanoma inkişaf şansı kəskin şəkildə azalıb.

Tədqiqat koordinatoru Dr. Hizer Şo hesab edir ki, bu peyvəndin melanomanı tamamilə məğlub etmək şansı var – geri qayıtma riski olmadan.

Peyvənd indi xərçəngin digər formaları üzərində sınaqdan keçirilir: ağciyər, sidik kisəsi və böyrək.

“Bu, uzun müddətdir gördüyümüz ən maraqlı şeylərdən biridir. Biz peyvəndi o yerə çatdırmışıq ki, indi xəstələrə həqiqətən təsirli olan bir şey təklif edə bilərik. Xəstələr peyvəndləri çox həyəcanla gözləyirlər”, Şo deyib.

Xuraman Etibarlı

İnterpress.az