"Barselona"nın futbolçusu Robert Levandovski açıqlama verib.
Futbolpress.az xəbər verir ki, "Marca"ya danışan hücumçu hazırda dünyanın ən yaxşı futbolçularının adını açıqlayıb:
"Bunu demək çətindir. Çünki qarşıda Avropa çempionatı və Çempionlar Liqasında həlledici oyunlar var. Hazırda Kilian Mbappe (PSJ) və Cud Bellingem ("Real") mənim üçün ən yaxşı oyunçulardır".
Levandovski 2022-ci ildən "Barselona"da çıxış edir. Onun klubla sözləşməsi 2026-cı ilin yayına kimidir. Levandovski bu mövsüm 43 oyunda 20 qol vurub.