Yonhap: Şimali Koreya hərbçiləri demilitarizasiya zonasında yolu minalayıb

KXDR hakimiyyət orqanları Cənubi Koreya ilə sərhəddə demilitarizasiya zonası daxilində yolu minalayıb.

"Yonhap" xəbər agentliyi bu barədə Cənubi Koreya hərbi rəsmisinə istinadən məlumat yayıb.

“Hərbçilər KXDR-nin keçən ilin sonunda Seuldan 85 km şimal-şərqdə, Çeorvondakı "Arrowhead" təpəsinin yaxınlığında, silahsızlaşdırılmış zona daxilində torpaq yola mina qoyduğunu aşkar ediblər",-deyə nəşr qeyd edib.

Yolun 1950-1953-cü illər Koreya müharibəsi zamanı həlak olanların qalıqlarının birgə qazıntı işini asanlaşdırmaq üçün 2018-ci il Koreyalararası hərbi sazişə uyğun olaraq çəkildiyi bildirilib.

Bundan əlavə, agentlik iddia edir ki, Pxenyan daha iki yolda - qərbdə Gyeonggi və şərq sahilində Donghaedə də minalar quraşdırıb.