- Gecə Modu
- Ana səhifə
- İstifadəçilər
- Səhifələr
- Reytinq
- Hava
- Valyuta
Azərbaycan atletləri Türkiyənin Antalya şəhərində keçirilən "Olimpik deneme" yarışında daha 6 medal qazanıblar.
İdman.biz xəbər verir ki, Paris-2024 Yay Olimpiya Oyunlarına lisenziya xarakterli turnirin ikinci günündə 200 m məsafəyə qaçışda Əlhəm Nağıyev bütün rəqiblərini geridə qoyaraq finişə birinci çatıb.
Lamiyə Vəliyeva 200 m məsafəyə qaçışda hamıdan sürətli olaraq yarışın qalibi adını qazanıb. Eyni məsafədə Fəridə Rzayeva isə 3-cü yeri tutub.
Üç təkanla tullanma yarışının yekununda Rüstəm Məmmədov 2-ci pillədə qərarlaşıb.
Toğrul Şahtatinski isə U-16 kateqoriyasında diskatma və nüvəitələmədə ən yüksək nəticə göstərərək hər iki növdə qızıl medallara sahib çıxıb.
İdman.biz