Digər
Türkiyə səmasında insanabənzər cismlər peyda olub
17:56 28.04.2024
- Smartbee
- Şikayət et
Türkiyənin İstanbul şəhərində gecəyarısı Hatay bölgəsində, günorta saatlarında isə İsgəndərun səmasında asılı qalmış üç cism görünüb.
Reyting.az bildirir ki, xəbəri "Haber Global" telekanalı yayıb.
Yerli əhali bütün bunların canlı, ya cansız olduğunu anlamasa da, həmin müəmmalı anları lentə almış həvəskar çəkilişlərdən aydın olur ki, insan fiqurlarına bənzəyən bu naməlum obyektlər sanki komanda şəklində düzülüb və eyni vaxtda hərəkət edirlər.
Naməlum cisimlərin yuxarı hissəsi insan başı formasında görünüb, aşağı hissələrində isə sanki ətəkli paltarlar olub. Dəqiqliklə insan görünüşünü xatırladan həmin 3 naməlum obyekt qısa zamanda səmaya yüksələrək gözdən itib.
Hadisəni araşdıran polislər, eləcə də bəzi mütəxəssislər bu cismlərlə bağlı konkret bir izah verə bilmədiklərini söyləyiblər.
Oqtay QORÇU
Şərh ()
