“Bayern” Kimmixi “Barsa”nın oyunçuları ilə dəyişmək istəyir

“Bayern” bu yay müdafiəçisi Yozua Kimmixlə yollarını ayıra bilər. Msport.az “Sport.es”ə istinadən xəbər verir ki, Münhen klubu futbolçunu sərbəst agent kimi buraxmaq istəmir.

29 yaşlı oyunçunun müqaviləsi 2025-ci ilin yayında başa çatır. Almaniya klubu Kimmixdən ən azı 50 milyon avro qazanmaq niyyətindədir.

Müdafiəçini ala biləcək klublar arasında “Barselona”nın adı çəkilir. Eyni zamanda “Bayern” Kataloniya klubunun iki futbolçusu – mərkəz müdafiəçisi Ronald Arauxo və dayaq yarımmüdafiəçisi Frenki de Yonqun xidmətlərində maraqlıdır. Münhen təmsilçisi Kimmixi “Barsa”ya verib əlavə ödəniş etməklə bu iki oyunçunu transfer etmək istəyir.