Fidan Hacıyevanın Beynəlxalq Opera Festivalı "Karmen" in premyerası ilə möhtəşəm açılışı - FOTO

Sevindirici haldır ki, Azərbaycanda klassik incəsənətə olan sevgi özünəməxsus rekorda imza atıb-festivalın həftəlik tamaşalarına bütün biletlər satılıb! Bu axşam tamaşaçıları opera sənətinin böyük bir bayramı gözləyirdi ki, bu da tamaşaçıların təəssüratlarında əks olundu, tamaşa boyu dəfələrlə ifaçılara alqış verdi. Sonda bütün zal parlaq alqışlar və çiçək buketləri ilə yaradıcı kollektivi layiqli qiymət verdi.

Karmenin əsas partiyasını festivalın təşkilatçı, Xalq Artisti Fidan Hacıyeva özü ifa edib. Tamaşanın rejissoru Elvin Mirzəyev klassik əsərin musiqisini və librettosunu qoruyaraq tamaşaçılara 19-cu əsr operasına müasir bir baxış bəxş etdi. Süjet və aktyorların dinamik oyunu, səhnə geyimləri və dekorasiya prizmasından, qəhrəmanlar arasındakı münasibətlər və əsərin vurğuları əks olunur. Seçim və qərar vermək azadlığı, sevginin əsl dəyəri ön plana çıxır.

Tamaşada hətta kütləvi səhnələr, o cümlədən Fidan Hacıyevanın Musiqi Məktəbinin uşaq xoru statik deyildi, canlı idi və hər bir sənətçi özünü baş verən hadisələrin əsas qəhrəmanı kimi hiss edirdi. Xalq Artisti Gülnaz İsmayılova (Fraskita), Əməkdar artistlər Fərid Əliyev (Don Xoze), İnara Babayeva (Mikaela), Anton Ferstandt (Eskamilio), Əliəhmed İbrahimov (Remendado), solistlər İqor Yadrov (Suniqa), Mahir Tağızadə (Morales), Nina Makarova (Mersedes) və Efim Zavalnı (Dankayro), hansının ki boyu iki metrdən yuxarı idi, parlaq premyeranın əsl inci boyunbağı oldu. Qeyd edək ki, tamaşada 150-yə yaxın tanınmış və gənc aktyor çalışıb. Dövlət Opera və Balet Teatrının orkestri Almaniyadan xüsusi dəvət olunmuş Bavariya Gutt-İmling opera sənəti festivalının bədii rəhbəri və baş dirijoru Kornelia von Kerssenbrok tərəfindən idarə olunurdu.

Beləliklə, premyera çox uğurlu keçirildi!

Xalq Artisti Fidan Hacıyevanın Vokal Musiqi Məktəbinin təşkilatçılığı ilə Azərbaycan Mədəniyyət Nazirliyi və Dövlət Opera və Balet Teatrının dəstəyi ilə ilk Beynəlxalq Opera Festivalı 27 aprel-3 may tarixlərində keçirilir. Yeddi gün ərzində Bakı və Gəncənin müxtəlif konsert məkanlarında Azərbaycan klassiklərinin və dünya müəlliflərinin əsərləri təqdim olunacaq.

İnformasiya dəstəyi - Trend.Az, Day.Az, Milli.Az, Azernews.Az, Turkic.World

Məqaləyə dair fotomateriallar: