Ermənistanda İrana məxsus avtobus aşdı: Ölənlərin sayı artdı - YENİLƏNİB

Ermənistanda İrana məxsus dövlət nömrə nişanlı avtobusun dərəyə aşması nəticəsində ölənlərin sayı beş nəfərə çatıb.

Bu barədə Ermənistan Daxili İşlər Nazirliyinin xilasetmə xidməti məlumat yayıb.

Yaralı sayı isə altı nəfərdən doqquza yüksəlib.

Xilasetmə işləri davam edir.

Mənbə: Ermənistan KİV

19:30

Ermənistanda İrana məxsus avtobus qəzaya uğrayıb.

Məlumata görə, avtobus Qoris-Kapan yolunun Verin Xotanan kəndi yaxınlığında dərəyə yuvarlanıb.

Ermənistan Daxili İşlər Nazirliyinin Xilasetmə Xidmətinin ilkin məlumatlarına görə, qəza nəticəsində üç nəfər ölüb, altı nəfər yaralanıb.

Bildirilir ki, avtobus İran dövlət qeydiyyat nişanlı olub.

Mənbə: Sputnik