Premyer Liqa: "Sabah" "Səbail"ə qalib gəldi

Bu gün Azərbaycan Premyer Liqasında XXXII tura start verilib.

Teleqraf.com xəbər verir ki, açılış oyununda "Sabah" və "Səbail" komandaları üz-üzə gəlib, oyun meydan sahiblərinin 2:0 hesablı qələbəsi ilə yekunlaşıb.

Qolları Con İrazabal və Cesse Sekidika vurub.

Bu nəticədən sonra xallarını 49-a çatdıran "Sabah" turnir cədvəlində üçüncü pilləyə yüksəlib. Səbail" isə 42 xalla altıncı yerdə qalıb.

Qeyd edək ki, turun digər oyunları aprelin 28-29-da keçiriləcək.