Amerikalılar Ukraynaya yardımla bağlı fikir ayrılığına malikdirlər

Amerikalılar ABŞ-ın Ukraynaya daha çox yardım göndərməkdə davam edib-etməməsi ilə bağlı fikir ayrılığına düşüblər. "Yeni Azərbaycan" xəbər verir ki, bunu "YouGov" sorğusunun nəticələri sübut edir.

Araşdırmaya görə, sorğuda iştirak edən amerikalıların 28 faizi Ukraynaya yardımın artırılmasını dəstəkləyir, lakin respondentlərin 29 faizi deyir ki, ABŞ yardımı azaltmalıdır. Amerika vətəndaşlarının 26 faizi isə Vaşinqtonun Kiyevə dəstəyinin eyni səviyyədə qalması ilə bağlı cavab verib.

Sorğu həmçinin müəyyən edib ki, demokratlar respublikaçılardan üç dəfə çox Ukraynaya hərbi yardımın artırılmasının tərəfdarıdırlar. Demokratik respondentlərin 48 faizi yardımın artırılmasını, yalnız 10 faizi isə azaldılmasını dəstəkləyib.

Qeyd olunur ki, Respublikaçıların 60 faizi Ukrayna Silahlı Qüvvələrinə  hərbi yardımın artırılmasını dəstəkləyib, 43 faizi isə xərclərin azaldılmasını istəyib.

Havar Şəfiyeva