AFFA-nın yeni prezidenti millilərlə bağlı MÜHÜM TAPŞIRIQ VERDİ

AFFA-nın yeni rəhbərliyi aşağı yaş qrupları üzrə millilərlə bağlı konsepsiya üzərində işləməyə başlayıb.

Bu barədə federasiyadan redaksiyamıza məlumat gəlib.

Bildirilib ki, aprelin 2-də qurumun prezidenti seçilən Rövşən Nəcəf yığmaların hazırkı məşqçi korpusu ilə əməkdaşlığa son verilməsini tapşırıb.

Mayın sonunadək qüvvədə olan müqavilə iyunun 1-də uzadılmayacaq.

AFFA-nın sayca dördüncü başqanı bu komandaların eyni ölkəni təmsil edən xarici mütəxəssislərə həvalə olunmasını istəyir.

Məsələyə mayda İcraiyyə Komitəsinin iclasında baxılması planlaşdırılıb.

SPORTİNFO.AZ