Abşeronda keçirilən qanvermə aksiyasında 100-dən çox donor könüllü olaraq qan verib

Abşeron Rayon İcra Hakimiyyətinin, Abşeron Rayon Mərkəzi Xəstəxanasının və Milli Hematologiya və Transfuziologiya Mərkəzinin birgə təşkilatçılığı ilə Ulu Öndər Heydər Əliyevin anadan olmasının 101-ci illiyi münasibətilə qanvermə aksiyası keçirib.

Xəstəxanadan Aztibb.az-a verilən məlumata görə, aksiya hemofiliya və talassemiya irsi qan xəstəliklərindən əziyyət çəkən xəstələrin qan ehtiyatını artırmaq məqsədilə təşkil edilib.

Qanvermə aksiyasına qoşulmaq üçün 250-yə yaxın insan müraciət edib. Tibb heyəti tərəfindən sağlamlıq göstəriciləri əvvəlcədən təyin olunan 109 nəfərdən qan ehtiyatı götürülüb.