Ermənistanda ŞOK: Hərbçilər aksiyaçılara qoşuldu - Ordu Paşinyana qarşı?

Hərbi geyimdə olan şəxslərin Tavuşda, Kirants kəndində siyasi aksiyalara qoşulması ilə bağlı xəbərlər tirajlanır, videolar yayımlanır. 

Yenisabah.az xəbər verir ki, bu barədə Ermənistan Müdafiə Nazirliyinin məlumatında bildirilir.

Qeyd olunub ki, Müdafiə Nazirliyinin hərbi polisi hərbi geyimdə olan şəxslərin şəxsiyyətinin müəyyən edilməsi və yayılan məlumatların qiymətləndirilməsi üçün tədbirlər görür.

Eyni zamanda, xəbərdarlıq edilib ki, silahlı qüvvələri siyasi proseslərə cəlb etmək cəhdinə adekvat hüquqi qiymət veriləcək.(Axar.az) 

Sosial şəbəkələrin erməni seqmenti bu xəbərlərə biganə qalmayıb. Müxalifətin nəzarətində olan səhifələr Tavuşda baş verənləri Ermənistan ordusundakı ikitirəliklə əlaqələndiriblər. Hərbi geyimdə olan şəxslərin Tavuşda, Kirants kəndində siyasi aksiyalara qoşulmasını ordunun Paşinyan hökumətinə qarşı çıxması kimi qiymətləndirənlər də olub. 

Ermənistanın hüquq-mühafizə orqanlarının həmin şəxslər barəsində ölçü görürəcəyi bildirilir. Baş verənlərin İrəvanda repressiyanın növbəti dalğasına yol açacağını proqnozlaşdıranlar da var. 

Nazim HACIYEV