Türkiyənin BMT-dəki yeni daimi nümayəndəsi vəzifəsinin icrasına başlayıb

Türkiyənin Birləşmiş Millətlər Təşkilatı (BMT) yanında yeni daimi nümayəndəsi səfir Əhməd Yıldız etimadnaməsini Baş katib Antoniu Quterreşə təqdim edərək vəzifəsinin icrasına başlayıb.

"Report"un ABŞ bürosu xəbər verir ki, A.Quterreş Ə.Yıldızı BMT-nin Nyu-Yorkdakı mənzil-qərargahında qəbul edib.

Təkbətək görüşdə Türkiyə ilə BMT arasında əməkdaşlıq barəsində fikir mübadiləsi aparılıb. Mövcud qlobal çağırışlar fonunda beynəlxalq sistemdə ədaləti müdafiə etməyə davam edən BMT-nin daha effektiv fəaliyyəti üçün ölkələrin aktivliyinə hər zamankından daha çox ehtiyac olduğu vurğulanıb.