Təmir işləri zamanı “Maynts”ın ev stadionunun (Meva-Arena) yaxınlığında İkinci Dünya müharibəsindən qalma mərmi tapılıb.
Arena.az bu barədə Almaniya klubunun rəsmi saytına istinadən məlumat verir.
Hazırda mərminin zərərsizləşdirilməsi istiqamətində işlər aparılır.
Klub onu da bildirib ki, aprelin 26-da zərərsizləşdirmə işləri ilə əlaqədar fan-şop və klub ofisi işləməyəcək.
“Footmercato” dərgisinin məlumatına görə, mərmi İkinci Dünya müharibəsi zamanı amerikan hərbçilərinə məxsus 500 kq-lıq bombadır. Bu, iki həftədən az müddətdə stadionun yaxınlığında tapılmış ikinci partlayıcı vasitədir.
Xatırladaq ki, aprelin 28-də Bundesliqanın 31-ci turu çərçivəsində Maynts şəhərindəki “Meva-Arena” stadionunda “Maynts” – “Köln” oyununun keçirilməsi nəzərdə tutulub.
![](https://www.mainz05.de/cdn-cgi/image/width=1920,metadata=none,quality=80,format=auto/getContentAsset/14c5b76e-de01-4529-9b25-4599c66cca28/1c457d02-c081-4a55-b6c8-5b026d97b66e/20240406_ML_128620.jpg?language=de-DE&vd=638491298064040849)