ABŞ sakini iki ildə 72 kiloqram arıqlayıb.
Sfera.az xəbər verir ki, bu barədə "New York Post" məlumat yayıb.
Viskonsin ştatından olan 33 yaşlı Amber Klemens 2018-ci ildən arıqlamağa başlayıb. 2020-ci ilə qədər o, 72 kiloqramdan qurtula bilib və o vaxtdan bəri çəkisi artmayıb. Qadının sözlərinə görə, o, pəhrizindəki dəyişikliklər sayəsində belə nəticələr əldə edə bilib.
Klemens deyib ki, əsasən yüksək proteinli qidalara keçib. O, zülal kokteylləri, yunan qatığı və yüksək proteinlə işlənmiş qidalar istehlak edib. Şirniyyatların tərkibində yüksək protein olan növlərini seçib. Həzmə kömək etmək və pəhrizinə lif əlavə etmək üçün müntəzəm olaraq qarışıq salat yeyib.
Klemens indi arıqlama üzrə məsləhətçi kimi işləyir və digər insanlara arıqlamağa kömək edir, arıqlamaq sirlərini sosial şəbəkələrdə istifadəçilərlə bölüşür.
İnci
