XİN-in mətbuat katibi Ayxan Hacızadə BDU-nun Jurnalistika fakültəsində qonaq olub - FOTO

 

Bu barədə Moderator.az-a BDU-dan məlumat verilib.

 

Jurnalistika fakültəsinin dekanı Vüqar Əliyev qonağı təqdim edərək, bu cür görüşlərin tələbə-jurnalistlərin beynəlxalq jurnalistika, xarici siyasət sahələri üzrə praktiki biliklər əldə etmələrində, Azərbaycanın informasiya məkanına qarşı yönələn təhdidlər, dezinformasiyalarla mübarizə yollarını öyrənmələrində mühüm rol oynayacağını bildirib.

 

Görüşün təşkilinə görə Universitet rəhbərliyinə minnətdarlığını çatdıran Ayxan Hacızadə tələbələrlə ünsiyyətdən məmnunluğunu dilə gətirib. O, XİN-in fəaliyyəti, xarici siyasət kommunikasiyası, rəqəmsal diplomatiya, ictimai diplomatiya, mətbuat xidmətinin iş prinsipləri, böhran vəziyyətlərində kommunikasiya haqqında ətraflı məlumat verib. Ayxan Hacızadə qeyd edib ki, fakültədə yaradılmış maddi-texniki baza jurnalist peşəsinə verilən qiymətin nümunəsidir.

 

Ayxan Hacızadə XİN tərəfindən təşkil olunan könüllülük proqramlarından da söz açıb, bu cür görüşlərin tələbə-jurnalistlərin gələcək karyeralarında özünəməxsus yer tuta biləcəyini xatırladıb. XİN sözçüsü qeyd edib ki, tələbələr gələcək fəaliyyətlərində istəkləri üzrə xüsusi imtahan mərhələlərindən keçərək, diplomatiya sahəsində işlə təmin oluna bilərlər.

 

Sonda tələbələri maraqlandıran suallar cavablandırılıb.