Mədəniyyət
Keçmiş icra başçısı mülk davasına başlayıb
09:32 26.04.2024
- Smartbee
- Şikayət et
Cəlilabadın həbsdə olan keçmiş icra başçısı Namiq Zeynalov və ailə üzvləri əmlaklarının müsadirə edilməsi ilə bağlı qərardan yenidən kassasiya şikayəti veriblər.
Məlumata görə, şikayət Ali Məhkəmənin hakimi Ələsgər Novruzovun sədrliyi ilə araşdırılacaq.
Məhkəmənin ilkin hazırlıq iclasının vaxtı açıqlanmayıb(Pravda).
Qeyd edək ki, Namiq Zeynalov 2021-ci ildə həbs edilib. O, xüsusilə külli miqdarda mənimsəmə, israf etmə, vəzifə səlahiyyətlərindən sui-istifadə, külli miqdarda rüşvət almaqda təqsirli bilinib, Lənkəran Ağır Cinayətlər Məhkəməsinin hökmü ilə 12 il həbs cəzası verilib.
Bundan başqa, üzərinə həbs qoyulmuş ümumi dəyəri 2 milyona yaxın olan fərdi yaşayış evləri, “Lexus” markalı minik avtomobili, müxtəlif təyinatlı torpaq sahələri də dövlət nəfinə müsadirə edilib.
Ali Məhkəmə müsadirə ilə bağlı qərarda hər hansı qanunsuzluq olmadığını əsas gətirərək şikayəti rədd edib. Bakı Apellyasiyiya Məhkəməsinin qərarı qüvvədə saxlanılıb.
Şərh ()