PSJ Liqa 1-də növbəti rekordu müəyyənləşdirdi

Fransa Liqa 1-in 29-cu turu çərçivəsində “Loryan”a qarşı səfər oyununda 4:1 hesablı qələbə PSJ üçün əlamətdar olub.

Arena.az məlumat verir ki, Fransa nəhəngi milli birinciliyin səfər oyunlarında məğlubiyyətsizlik silsiləni 22 oyuna çatdırmaqla, Liqa 1-in mütləq rekordunu müəyyənləşdirib.

Sonuncu dəfə Paris klubu səfərdə 2023-cü il fevralın 11-də Liqa 1-in 2022/2023-cü il mövsümünün 23-cü turunun “Monako” ilə oyununda 1:3 hesabı ilə məğlub olub.

Buna qədər səfər oyunlarında məğlubiyyətsizlik silsiləsi üzrə rekord 2005-ci ilin martından 2006-cı ilin aprelinə qədər uduzmayan Lion “Olimpik”inə məxsus idi.

Hazırda PSJ Fransa Liqa 1-in yarış cədvəlində başçılıq edir. Parislilər 30 oyunda 69 xal toplayıblar.