NASA BKS-də mutant canlılar aşkarlandığını açıqladı

NASA Beynəlxalq Kosmik Stansiyada (BKS) qan infeksiyaları ilə əlaqəli olan və gəmidəki astronavtların sağlamlığına təhlükə yarada bilən "Enterobacter bugandensis" adlı mutant bakteriyanın 13 ştammını aşkar edib.

Valyuta.az xəbər verir ki, Beynəlxalq Kosmik Stansiyada yüksək karbon dioksid səviyyələri olan mühitlər bakteriyaları mutasiya keçirməyə məcbur etdi. Bu bakteriyaların mikroqravitasiyaya məruz qaldıqda antibiotiklərə qarşı davamlı olduğu aşkarlanıb. NASA-nın açıqlamasında, aşkarlanan bakteriyaların laboratoriyaya aparıldığı və onların astronavtların sağlamlığı üçün təhlükəli olduğu bildirilib. Belə ki, astronavtlar bakteriya infeksiyasına qarşı daha həssas ola bilər.  Bakteriyaların körpələrdə yeni doğulmuş sepsis adlanan qan infeksiyası kimi ciddi viruslarla əlaqəli olduğu qeyd edilib.

"Enterobacter", həmçinin sepsis, sidik yollarının, dəri və yumşaq toxuma infeksiyaları, həmçinin ürək kameralarının və qapaqlarının daxili astarı üçün təhlükəli iltihabı olan endokarditlə nəticələnə bilər.

NASA-nın açıqlamasında, "Tədqiqat nəticələri göstərir ki, stress altında BKS-dən təcrid olunmuş bakteriyalar Yerdəki analoqları ilə müqayisədə genetik və funksional şəkildə mutasiyaya uğrayaraq diferensiallaşıblar. Ştammlar, yəni bakteriyaların alt növləri BKS-də zamanla əhəmiyyətli dərəcədə sağ qala biliblər" - deyə ictimaiyyətin nəzərinə çatdırılıb. 
Tədqiqatçılar həmçinin mutant bakteriyaların çoxsaylı dərmanlara davamlılıq qabiliyyətini artıracaq tamamilə fərqli genlərə malik olduğunu müəyyənləşdiriblər. 

BKS-də mikroorqanizmlərin ekstremal mühitlərdə necə sağ qaldığını araşdıran elm adamları, bu araşdırmanın astronavtların sağlamlığı üçün effektiv profilaktik tədbirlərə qapı açdığını söyləyiblər. 

Elmir