İsveçin baş naziri 2025-ci ildə Latviyaya qoşun göndərmək planlarını açıqlayıb

NATO-ya yeni qoşulan İsveç qoşunları 2025-ci ildə Latviyaya gələcək və oradakı blokun qüvvələrinə qoşulacaq.

Bu barədə krallığın baş naziri Ulf Kristersson Latviyanın baş naziri Evika Silina ilə keçirdiyi mətbuat konfransında bildirib.

"Bu səhər İsveç hökuməti Latviyada məhdud mexanikləşdirilmiş NATO batalyonunun təlimini silahlı qüvvələrə həvalə etmək barədə rəsmi qərar qəbul etdi", - Kristersson qeyd edib.

Onun sözlərinə görə, krallıq 2025-ci ilin əvvəlində bu ölkədə öz qoşunlarını yerləşdirməyi qarşısına məqsəd qoyub. Kristersson əlavə edib ki, Latviyadakı İsveç qrupuna Leopard tankları və digər zirehli maşınlar daxil olacaq.