Heç vaxt bir qızla kifayətlənmir: Daxilimdə iblis var

Əfsanəvi britaniyalı boksçu Devid Hey maraqlı şəxsi həyatı ilə diqqəti cəlb edir. O, monoqam münasibətlərə inanmır. 2020-ci ildən bəri görüşdüyü Sian Osborne ilə yanaşı başqa bir qız axtarmağa başlayıb.

43 yaşlı Hey, daha əvvəl 2023-cü ilin yanvarında Una Hili ilə münasibətdə olduğunu bildirdi. Lakin onların münasibəti uzun sürmədi. Hili mart ayında onu tərk etdi.

Ancaq artıq aprel ayında Hey yeni bir qız tapdı. O, serb gözəli Mixaela Yovanoviç oldu. Düz bir il sonra Mixaelanın Hey və Osbourne ilə münasibəti sona çatdı. Britaniyalı sabiq boksçu onun yerinə yeni bir qız axtardığını açıq şəkildə elan etdi.

"Heç vaxt mənim üçün heç bir şey kifayət qədər yaxşı deyil. Mən həmişə daha çox istəyirəm. Nadir hallarda məmnun qalıram. İçimdə məni yeyən, iyrənc dərəcədə şokedici şəkildə təzahür edən çoxlu köklü, mürəkkəb iblislərim var. Mənə tarixi yerlərə səyahət, gün batmasını görmək və həmfikir qızlarla ünsiyyət maraqlı gəlir”, - deyə Hey sosial şəbəkə hesabında yazıb.

O, 2009-cu ildə Nikolay Valuevi məğlub etdikdən sonra WBA-nın ağır çəkidə dünya çempionu titulunu qazanıb. Hey Evander Holifild və Aleksandr Usik ilə birlikdə, ağır çəkidə dünya çempionu titullarına sahib olan üç boksçudan biridir.