Milena Nəbiyevanın “Alovun ahəngi” adlı sərgisini təqdim olunacaq

Fairmont Baku, Flame Towers tanınmış rəssam Milena Nəbiyevanın "Alovun ahəngi" adlı sərgisini 26 aprel saat 19.00-da təqdim edir. Qədim yunan filosofu Efesli Heraklitin ifadəsindən ilhamlaraq: "Dünyada hər şey oddandır. Dünya tədbirlərlə söndürülən, tədbirlərlə alovlanan əbədi bir oddur, olub və olacaq". Rəssam, adi obrazlar arasında Milena Nəbiyevanın əsərlərini müşayiət edən hər bir ornamentdə gizlənən unikal rənglərin ahəngini hiss etməyə təklif edir. Bu əsərlər rəssamın orijinal bədii dəsti-xətti olaraq artıq tamaşaçılar tərəfindən tanınıb.

Sərgidə təqdim olunan əsərlərdə rəssam sanki qədim simvolları yenidən şərh edir, onlara müasir əksi toxuyur. Qeyri-şifahi ünsiyyətdə stilistik cəhətdən təsdiqlənmiş ornamental palitrası yavaş-yavaş insanların odların ətrafına toplaşdığı və açıq alov rəqsi, əfsanələrin və xalq nağıllarının təcəssüm olunduğu, müxtəlif naxışlarda bu günə qədər qorunub saxlanıldığı boz dövrlərdən bəhs edir. Hər qıvrımın ayrıca "musiqili ifadə"...

Əjdahalar və fenikslər, həyat ağacı və Qırmızı Ruh, lotus və ənənəvi butalar... və hər biri odlu varlıq olmadan ağlasığmazdır...

Milena Nəbiyevanın sözlərinə görə, sərginin keçiriləcəyi yer təsadüfi seçilməyib: "Alov Qüllələri" müasir Bakının simvolu kimi sadəcə göydələnlər deyil. Onlar şəhərimizin gerbində əbədi həkk olunmuş odla birbaşa bağlı olan eyni alovlardır. Onlar, sadəcə olaraq əsərlərimdə olan çox sevdiyim narı əks etdirir. Təkcə o da yox... Azərbaycanın təbiəti xalqımıza səxavət bəxş edib. Məncə, alovun təcəssümlərindən biri də günəşdir ki, bu yer üçün o qədər əlverişlidir ki, onun doğurduğu hər şey öz dadından bir parça daşıyır". 

Rəssamın inancları onun əsərlərində danılmaz təsdiq alır. Hər bir kətana günəş işığına xas olan zərif qızılılıq hopmuş kimi görünür. Çiçək səhnələrində isə ləçəklərdə nazik odlu alov cizgiləri oxumaq olar...

Sərgidə təqdim olunan 20 rəngkarlıq əsərləri mövzu və süjet məzmununa görə fərqlidir. Onlar ümumi visual səsə qovuşaraq ayrı-ayrı musiqi əsərləri kimid, "Alovun ahəngi" vahid partiturasını təşkil edir ki, bu da "Dünyada hər şey oddandır" olduğunu danılmaz şəkildə təsdiqləyir... Sadəcə, bunu həyat yolumuzda hər hansı bir təzahürdə görmək və hiss etmək bacarmalıyıq...

Milena Nəbiyeva Azərbaycan Rəssamlar İttifaqının üzvüdür. Azərbaycan Təbiəti Mühafizə Cəmiyyətinin sədr müavinidir. Birləşmiş Millətlər Təşkilatının Təhsil, Elm və Mədəniyyət Təşkilatının (UNESCO) ixtisaslaşmış qurumunun üzvüdür. "Həyata ümid" xeyriyyə layihəsinin təsisçisidir. 2021-ci ildə Kiyev Milli İnşaat və Memarlıq Universitetinin (KNUSA) məzunudur. 2021-ci ilin yanvarında Azərbaycan-Ukrayna Beynəlxalq Alyansının qızıl medalına layiq görülüb.

"Galeri Artis" (Ankara, 2016), "До-Галерея" (Sankt-Peterburq, 2015) və s. kimi bir çox beynəlxalq sərgilərin iştirakçısıdır. Onun orijinal əsərləri fərdi sərgilərdə təqdim olunub: Azərbaycan Rəssamlar İttifaqında (2015), Müasir İncəsənət Muzeyində (2016), Muzey Mərkəzində "Kainatın naxışları" (2017), Muzey Mərkəzində "Payızımın çalarları" (2018), QGallery-də "Ruhun naxışları" (2023) kimi fərdi sərgiləri nümayiş olunmuşdur.

Milena Nəbiyeva Müasir İncəsənət Muzeyində dünya Azərbaycanlılarının Həmrəylik Gününə həsr olunmuş məşhur Azərbaycan rəssamlarının iştirakı ilə "Həyata Ümid" (2019) kimi xeyriyyə sərgisinin təşkilatçısıdır. 2020-ci ilin iyun ayında o, "Həyata Ümid" Fondu çərçivəsində virtual xeyriyyə tədbiri - sərgi və satış təşkil etmişdir.

Rəssamın əsərləri ilə Fairmont Baku, Flame Towers, Alov Qüllələri Kompleksinə gələrək tanış ola bilərsiz.

İnformasiya dəstəyi -  Trend.Az, Day.Az, Milli.Az, Azernews.Az