Geophysical Research Letters: Gələn yay rekord istilər olacaq

Berklidəki Kaliforniya Universitetinin klimatoloqları gələn yay üçün temperatur rejimini hesablayıblar. Yüksək ehtimalla temperatur və rütubət rekordlarını qırmalıdır.

Aztibb.az xəbər verir ki, “Geophysical Research Letters” jurnalının məlumatına görə, temperatur anomaliyasına El Nino səbəb olacaq. Florida və Texasda, həmçinin Hindistan və Afrikada, Avstraliyada, Mərkəzi və Cənubi Amerikada isti hava proqnozlaşdırılır.

Əsas problem odur ki, gələn yay yüksək temperatur yüksək rütubətlə ağırlaşacaq və bu birləşmə bir çoxları, hətta əksər insanlar üçün dözülməz olacaq. Məsələ fizioloji reaksiyadır: yüksək rütubətlə daha az tər buxarlanır, nəticədə bədən həddindən artıq istiləşir.

El Nino fenomeni, yəni ekvatorial Sakit okeanda suyun səth qatında temperaturun dəyişməsinin maksimum mərhələsi bu yay gözlənilir.

Alimlər bu yay planetin tropik bölgələrində orta maksimal temperaturun Selsi üzrə 26,2 dərəcəyə çatacağını hesablayıblar. Tropiklərdə bəzi bölgələrdə isə 30 dərəcədən yuxarı olacaq ki, bu da geri dönməz istilik stressini təhdid edir.