Avropa çempionatı: İlk rəqiblər müəyyənləşib

Sabah Xorvatiyanın paytaxtı Zaqreb şəhərində cüdo üzrə Avropa çempionatı start götürəcək.

İdman.biz xəbər verir ki, bu gün keçiirlən püşkatma mərasimində cüdoçularımızın rəqibi bəlli olub.

3 qat Avropa çempionu Hidayət Heydərov (73 kq) ilk mərhələdən azaddır. O, 1/16 finalda Kestutis Vitkaskas (Litva) - İndrit Kalhac (Albaniya) görüşünün qalibi ilə görüşəcək. Hidayətlə eyni çəkidə yarışan Rəşid Məmmədəliyev Darko Topaloviç (Bosniya və Herseqovina)/Coşua Qrin (İrlandiya) cütünün qalibi ilə üz-üzə gələcək.

Qeyd edək ki, Azərbaycan yığması çempionatda 9 çəki dərəsində 9 kişi və 4 qadın cüdoçu ilə təmsil olunacaq.

Qadınlar
48 kq
Leyla Əliyeva - Tuqçe Beder (Türkiyə)

52 kq
Gültac Məmmədəliyeva - Sofiya Asvesta (Kipr)/Qabriela Dimitrova (Bolqarıstan) görüşünün qalibi
Aydan Vəliyeva - Qefen Primo (İsrail)

57 kq
Acelya Toprak - Karla Tavarez Fernandez (Lüksemburq)

Kişilər
60 kq
Balabəy Ağayev - Marton Andrasi (Macarıstan)/Anqelo Pantano (İtaliya) görüşünün qalibi
Turan Bayramov - Vaçe Adamyan (Avstriya)

66 kq
Yaşar Nəcəfov - Lukas Saha (Finlandiya)/Muhammed Demirel (Türkiyə) görüşünün qalibi

73 kq
Hidayət Heydərov - Kestutis Vitkaskas (Litva)/İndrit Kalhac (Albaniya) görüşünün qalibi
Rəşid Məmmədəliyev - Darko Topaloviç (Bosniya və Herseqovina)/Coşua Qrin (İrlandiya) görüşünün qalibi

81 kq
Zelim Tçkayev - Nace Herkoviç (Sloveniya)/Maksim Triqub (İrlandiya) görüşünün qalibi

90 kq
Murad Fətiyev - Yamal Petqrave (Böyük Britaniya)
Elcan Hacıyev - Kornelyus Eylertsen (Norveç)/Yosip Buliç (Xorvatiya) görüşünün qalibi

100 kq
Zelim Kotsoyev - Adnan Xankan (BCF Qaçqınlar Komandası)

İdman.biz