Bərdə Peşə Liseyində orta məktəblərin rəhbərləri üçün infotur təşkil edilib

Bakı, 24 aprel, AZƏRTAC

Bərdə Peşə Liseyində rayonda fəaliyyət göstərən 61 ümumi təhsil müəssisəsinin rəhbərləri üçün infotur təşkil edilib.

Bu barədə AZƏRTAC-a Peşə Təhsili üzrə Dövlət Agentliyindən məlumat verilib. Bildirilib ki, liseyin maddi-texniki bazası ilə tanış olan qonaqlara liseydə tədris olunan ixtisaslar haqqında ətraflı məlumat verilib, həmçinin peşə təhsilinin perspektivləri və qarşıya qoyulan hədəflərdən danışılıb.