Ukrayna ordusunun Oçeretinoda uğursuz müdafiəsinin səbəbi açıqlanıb

Avdeyevka istiqamətində Oçeretino yaşayış məntəqəsində Ukrayna Silahlı Qüvvələrinin müdafiəsinin uğursuzluğa düçar olmasına səbəb Ukrayna Silahlı Qüvvələrinin 115-ci mexanikləşdirilmiş briqadasının rəhbərliyinin hərəkətləri olub.

Herbiand.az xəbər verir ki, bu barədə Ukraynanın DeepState Telegram kanalı məlumat yayıb.

Kanalın müəllifləri Ukrayna Silahlı Qüvvələrinin tanınmamış Donetsk Xalq Respublikasının Oçeretino qəsəbəsindən qaçmasını şərh ediblər. Vurğulanıb ki, əhalinin məskunlaşdığı ərazidən geri çəkilmək Ukrayna ordusu üçün bir sıra problemləri qaldırıb. O cümlədən, bu, rəhbərliyin cəbhədəki bölmələrin xroniki problemlərinə məhəl qoymaması ilə nəticələnib.

“115-ci Briqadanın rəhbərliyi əhəmiyyətli itkilərə yol verərək bütün sektorda müdafiənin dağılmasına görə məsuliyyət daşıyır”, - DeepState-də bildirilib.

Jurnalistlər həmçinin, Ukrayna Silahlı Qüvvələrinin bir sıra əsas natiqlərinin səriştəsizliyini və rəhbərliyə inamsızlığın artdığını qeyd ediblər. Onlar əlavə ediblər ki, sıravi əsgərlər komandanlığın uğursuzluğuna görə cəzalandırılmamalıdır.

Bəxtiyar CƏFƏRLİ