Naməlum şəxslər Cibuti sahillərində gəmiyə hücum ediblər.
Bu barədə Böyük Britaniyanın Dəniz Ticarət Əməliyyatlarının (UKMTO) saytında məlumat verilib.
Məlumata görə, hadisə Ədən körfəzindəki Cibuti limanından 72 dəniz mili cənub-şərqdə baş verib. Səlahiyyətlilər hadisənin başvermə şəraitini araşdırır.
Martın 8-də UKMTO bildirib ki, naməlum şəxslər Yəmənin liman şəhəri Ədəndən 50 dəniz mili cənub-şərqdə gəmiyə hücum ediblər.
Qəzza zolağında hərbi əməliyyatların başlanmasından sonra Yəmənin husi üsyançı hərəkatı Ənsar Allah bildirib ki, hərbi əməliyyatlar tamamlanana qədər Qırmızı dəniz və Bab əl-Məndəb boğazında İsrailə bağlı gəmilərə hücum edəcək.
Mənbə: A Haber