MBA-da bu gecə ilk raundun daha 3 oyunu baş tutub. İki seriyada hesab bərabərləşib. “Minnesota Timbervulvz” isə evdə “Finiks Sans”a qalib gəlməklə üstünlüyünü 2:0-a çatdırıb.
“Miluoki Baks” – “İndiana Peysers” qarşılaşmasının qəhrəmanı Paskal Siakam olub. Onun aktivində 37 xal var. Bu, kanadalı basketbolçu üçün pley-offlarda ən yüksək göstəricidir. Yannisin yoxluğunda Miluoki komandasında yük yenə də Lillardın üzərinə düşüb. O, görüşü 34 xalla tamamlayıb.
Los-Ancelesdə keçirilən oyunda “Dallas Maveriks” qələbə qazanıb. Qonaqların heyətində Luka Donçiç 32 xal toplayıb. “Klippers”də isə ən məhsuldar oyunçu 22 xal toplayan Ceyms Harden olub.
