“Liverpul” yeni məşqçi tapdı

“Liverpul” yeni baş məşqçi axtarışını davam etdirir. İngiltərə nəhəngi indi də Niderlanda üz tutub.

Futbolinfo.az xəbər verir ki, mersisaydlılar “Feyenoord”a uğurla rəhbərlik edən Arne Slotla danışıqlara başlayıb. “Liverpul” rəhbərliyi ona yayda komanda ilə vidalacağını açıqlayan Yürgen Kloppa layiqli əvəzləyici gözü ilə baxır.

45 yaşlı niderlandlı mütəxəssis 2021-ci ildən Rotterdam klubunda işləyir. Onun hazırkı müqavləsinin müddəti 2026-cı ilin yayına qədərdir. Slot daha öncə “Alkmaar”da da əla işi ilə yadda qalıb.