Yeni baş məşqçi axtarır - Avropanın məşhur klubu

“Milan”ın baş məşqçisi Stefano Pioli mövsümün sonunda komandanı tərk edəcək.

Sportinfo.az xarici KİV-ə istinadən xəbər verir ki, klub rəhbərliyi artıq komandaya yeni baş məşqçi axtarır.

Aprelin 22-də “Milan” A Seriyasının 33-cü turunun matçında “İnter”ə uduzub (1:2). Bu qələbə sayəsində “İnter” (86 xal) vaxtından əvvəl İtaliya çempionu olub.

“Milan” rəqibindən 17 xal geri qalır və turnir cədvəlində 2-cidir.

Pioli 2019-cu ilin oktyabrından “Milan”ı çalışdırır. Onun müqaviləsi 2025-ci ilə qədərdir. 58 yaşlı italiyalı mütəxəssisin rəhbərliyi altında “qırmızı-qaralar” 2021/22 mövsümündə A Seriyasının qalibi olub.